Namo IKASMANTRI Padang

Asal muasal dibari namo Ikasmantri. Mungkin panjalehan iko indak objective bana tapi manuruik pangatahuan sajarahnyo dulu adolah sabagai barikuik :

Ikatan Alumni SMA3 padang partamo sakali tabantuak nyo sakitar tahun 1982 di banduang nan di gageh samo kakak kaleh Sma 3 Padang angkatan 81 nan banamo : Syaiful bahri (GEO81), Rapsody (TI81), Leon Roza (GEO81), Hendra (SI81) dan babarapo urang lainnyo. Diwaktu itu angkatan 82 hadir sabagai nan di undang (maklum masiah new comer di banduang) antaro lain : Fakhrurazi, Witra, Nuzwir, dan babarapo kawan lainnyo nan ikuik Bim-bel.

Pambantuakan iko didasari oleh kabutuahan dan juo mangingek jumlah alumni SMA 3 nan ado dibanduang alah diraso alah cukuik banyak bakuliah di ITB, Unpad samo babarapo Universitas Swasta. Disampiang itu ado raso kabutuahan berorganisasi bagi alumni SMA3 dilua Kampuih mengingek pado saaik itu aroma NKK/BKK masiah taraso di lingkuangan kampuih.

Dalam manetapkan namo Ikasmantri pado saaik itu muncuanyo dari panggageh partamuan, walaupun ado wacano untuak mamiliah namo-namo umum nan ka dipakai contohnyo : HIASMA3. IKASMA3, dll. Forum patamuan itu akhirnyo sapakaik untuak mamiliah namo IKASMANTri (Tri ditulis huruf kecil), pertimbangannyo supayo ado kamudahan dalam menyabuik (ciek kato) dan adonyo parbedaan samo namo ikatan alumni Sma lainnyo.

Sajak tabantuaknyo Ikatan Alumni SMA 3 tasabuik mulailah namo IKASMNTRI di sosialisasikan di kalangan organiasi lokal minang di banduang. Acok juo mangirimkan wakilnyo pado partamuan jo kagiatan - kagiatan nan di gageh masyarakaik minang di banduang contohnyo Partandiangan Basket, Forum Komunikasi Organisasi Minang Banduang, BKMM Banduang dll.

Sosialisasi IKASMANTRI dikalangan internal Sma 3 dibuek dengan mambangun komunikasi jo kawan-kawan nan ado di Jakarta, Bogor sarato Padang. Babarapo kagiatan internal nan acok dibuek saaik itu adolah kunjuangan ka SMA 3 saaik libur kuliah untuak mambantu mamotivasi jo panduan ka adiak-adiak yunior dalam mamiliah jurusan di universitas sarato suplai bahan-bahan test masuak parguruan tinggi. Akibaiknyo Ikasmantri Banduang mendapek suntikan anggota nan sangaik signifikan dari angkatan 84 ( +/- 20 org) nan memiliah kuliah di banduang.

Selamo maso kuliah 82-88 parnah diadokan partamuan akbar alumni Sma3 di gedung SMA3 baitu juo even halal bil halal, partamuan alumni waktu liburan dll. Disampiang itu untuak alumni nan Banduang, Jakarta, Bogor secaro rutin di buek partamuan tahunan dan mamiliah tampek di puncak dengan pelaksananyo bagiliran mulai dari Ikasmantri Banduang, Bogor jo Jakarta.

Informasi iko labiah objektivnyo dapek ditanyokan ka babarapo senior alumni nan dapek di hubuangi (posisi alumni tahun (82-88) saperti, Leon Roza_80(bdg), Rapsody Kam_81(bdg), Hendra Gunawan_81(bdg) , Witra Marta_81(bdg) , Primyadi_81(pdg), Zulhefi_82(bgr), Oktavianus_82(jkt), Irwan Prayitno_82(jkt), Suwirman_82(pdg), FakhrurRazi_82(jkt)....83(bgr) dan lain-lainnyo.
Rasonyo sajak angkatan 84 masuak alah indak tamuek rapek ikasmantri di tampek kos lai do. Untuak salanjuiknyo alah samo pulo gadangnyo Ikasmantri jo alumni Sma lain nan alah baumue panjang.

Referensi Didapek dari :
Uda Razi_82
Uda Wirman_82
Uda Zulhefi Sikumbang_82